Varius Turistiku Iha Timor

Turismu bele fo vantajen ba ema nebe uja hodi diak, pasiar lemo rai hateke panorama fo kontente ba ema nudar saude psikologia no haforsa saude. Turismu dala wain refere liu ba ema strangeiru sira maibe lolos turismu signifika  fatin ida atria ema barak atu ba halibur no pasa nia tempu iha neba. Ema nebe ba area turistiku bele mai husi liur stranjeiru sira no ema local sira nebe pasa tempu iha area refere.

Komik ituan kwandu rona iha radio, hare iha televijaun no lee iha jurnal ema wain koalia turismu maibe ninian intensaun mak oinsa atu atria ema husi rai liur duke ema turista nebe iha rai laran.  Entaun, Timor persija hadia potensia area turismu ba ema atu konsume. Ema sei hetan direita valor sei seitor nee dezenvolve didiak.

Duke ita fera kakutak no debate halo ulun manas kona ba definisaun turismu. Diak liu ita kunyese ituan saida mak ita iha bodik hafresku ita nian matan.

Iha Dili ema bele pasiar ba fatin turistiku balun hanesan tasi tolu: fatin nee overese natureja nian furak komesa husi bee lihun tolu, animal fuik hanesan manu bee nebe kapas mesak deit,  no ema bele eksplora liu tan furak hirak nee ho la'o haleu pasajen hirak nee. iha tasi tolu nian sorin ema bele aproveita visita fatin relijiu ida nebe statua sao Paulo II nian hamrik metin hodi hateke ba Dili laran. Tasi tolu saimos fatin historiu luta nian tanba iha 20 Maio 2002, uja fatin refere bodik seremonia ofisialmente deklarasaun ba Mundu mosu Nasaun Timor Leste iha mapa mundu nian. 

 Tasi Tolu 1 Dili

 Tasi Tolu 2 Dili

Alemde Tasi Tolu- Dili overese Tasi nian furak iha parte leste nian. Ema bele pasa  nian tempu iha Area Branka Pasir putih, fatin nee nian furak liu maka rai henek mutik ho tasi nebe hakmatek diak tebes ba ema sira atu hariis. Iha Area Branka Nia sorin ema bele haris tasi no se diak liu reserva tempu hodi sae ba visita statu Kritu Liurai iha area nee. husi fatin ass Kristu Liu rai ema bele hateke tasi nian furak no fatin bark iha Dili. Statu Kristu Liurai nia Posisaun hateke ba tasi Loro Monu Nian.





 Cristu Rei Dili

 Area Branca Dili

Distritu Liquisa, overese istoria luta Timor Nian. benteng ka Kastelu tuan husik hela husi kolonialismu nian tempu hamrik metin nudar sasin ba visitantes. Kastelu vamosu iha Liquisa mak Katelu Aipelu no Kastelu Maubara. Husi Dili atu ba fatin nee bele uja Transportsaun publiku no bele aluga kareta ou belemos uja motorijada. iha luron Kastelu maubara nebe besik tasi turista sira bele husik tempu no hamaus matan iha tasi ninin. mini merkadu tradisional hamrik iha tasi ninin hodi faan produtu lokal nebe halo husi liman Ema Maubara sira.

Foto sira nee foti husi Google; no koko sei update loron ruma.

 Benteng ka Kastelu Liquisa
 

 Benteng ka Kstelu Aipelu Liquisa

 

Bee Manas Marobo; lokalisa iha suku Marobo Sub Distritu Bononaro Distritu Bobonaro. Husi Dili atu ba fatin nee liu husi Maliana kapital Bobonaro nian. Bee manas nian furak atrai ona ema wain halo visita em grupu ka idividual. fatin refere halo kedas tempu kolonialimu Portuguese. visita fatin nee ema sei hetan opputinidade haris bee manas no istoriamente bee nee bele kura moras isin katar no kaskadu nian. visita fatin nee turista bele eksplora liutan kustume emar Marobo nian. karik sorte diak turista bele hetan no sosa tais Marobo nebe uniku tebes iha Timor.

 Bee Manas Marobo Maliana- Bobonaro1

Bee Manas Marobo Maliana- Bobonaro 2 

 Bee Manas Marobo Maliana- Bobonaro 3

 

Lospalos distritu Leste liu iha Timor; ema visita iha neba konsege bele eksplora liu tan kostume uniku nebe Lospalos oan iha. Tempu okupasaun Indonesia Uma adat Lospalos sai nudar simblu identidade Timor nian. Visita fatin neba turista sei hare direita uma lulik orginal Lospalos nebe sei hamrik barak iha neba. Lospalos iha Ilha furak ida naran Ilha Jaco. virginidade ilha nee sei origin no furak atu eksplora liu tan.

 Uma Tradisional Lospalos

 

Ainaro; overese foho no klima nian furak. Turistiku vamoju iha Ainaro mak Foho Ramelau. Uluk tempu okupasaun Indonesia Foho nee hanaran "Tatamailau". husi Ramelau Tutun turista bele aprovita hateke Timor Leste ninian Rai ho karekterismu foho haleu ninian ambiental. 



 Foho Ramelau Ainoro 1

 

 Foho Ramelau Ainaro 2

 

Sub-Distritu Maubesi parte Ainaro iha pousada ida. fatin nee iha laletek Maubesi nian, ho klime nebe malirin ema bele goja nia tempu iha pousada leten.

 Uma balun iha Maubesi

 

Pausada Maubesi









Furak sira nee sei virgen hela no seidauk fo vantajen ekonomia ba povu iha area relefantes. Espera Governantes iha hanoin ruma foti riku soin ida nee. Area barak seidauk esplora iha Timor laran bodik atrai ema nian matan hodi pasa tempu.