Foto: Batar nudar aihan iha ruaral
TIMOROMAN.COM-Ministru Agrikultura no Pesca (MAP) Mariano Sabino ‘Assanami’ hateten dezemvolvimentu setor agrikultura sedauk iha mudansa tanba desemvolvimentu infrastrutura basiku ne’ebe Governu prioritija numeru um, (Estrada, Eletresidade, Bee Mos, Portu-Aeroportu,) mos sei iha faje konstrusaun. Assanami hato’o lia hirak ne’e wainhira halo entrevista ho jornalista iha uma fukun Parlamentu Nasional Segimda Feira (30/6/2014).
“Iha tinan sira liu ba ne’e ministeriu agrikultura sedauk tama iha prioridade. Infrastrutura basiku, dalan, estrada, portu-aeroportu, eletresidade, bee mos, ne’e mak hanesan prioridade numeru um. Agrikultura konsidera importante maibe sedauk sai prioridade numeru um,” Assanami esplika ba jornalistas, wainhira apresenta relatoriu ejekusaun orsamentu III trimestre ba deputadu sira iha Uma Fukun Parlamentu Nasional.
Nia akresenta, winhira setor ne’e (Agrikultura) tama ona iha prioridaed numeru um, maka nia tenki hetan orsamentu 10% porsentu husi total orsamentu Jeral do Estadu. Tanba normalmente iha orsamentu jeral ne’ebe aloka iha tinan sira hirak ba kotuk Agrikultura hetan de’it menus husi 3%.
” Tinan hirak liu ba ne’e agrikultura sei menus husi 3%. Entaun kuandu menus husi ne’e, mesmu ita iha politika di’ak, iha programa di’ak, maibe politika ho programa ne’e la han malu ho osan ne’ebe la koloka ho seriu ho konsistensia politika ne’ebe maka ita iha, entaun ejekusaun ne’e sei la la’o diak,” Mariano akresenta tan.
Engenheiru ne’e akresenta liu tan katak, wainhira agrikultura tama ona iha prioridade numeru um maka, prioridade agrikultura iha infrastrutura ninian maka barajem. Tanba barajem bele konserva be’e no bele apoiu produsaun permanentemente ba agrikultor.
“Iha agrikultura saida maka ami hanoin katak prioridade iha futuru liu liu infrastrutura ne’e maka barajem. Tanba dalaruma irigasaun ita halo kapas tiha be’e maran tiha, tanba ita depende los ba udan been. Entaun barak liu ita durante nee ita estraga irigasaun. Tanba ne’e se ita tau ona prioridade numeru um ba agrikultura, primeiru infrastrutura agrikulura barajem tengki iha, para agrikultor ne’e, nia tenki permanente kolheta to’o dalarua ba leten mos, produsaun alimentar di’ak nafatin,” Engenheru klarifika.(pol)
