Sasukat hodi troka valor sasan seluk nebe hanesan iha moeda ida nia valor.
portantu, moeda emjeral nudar osan hodi troka ho sasan seluk nebe ho valor hanesan tuir konkordansia. Liu husi definisaun badak ne iha mos pontu importante balun maka tegkiser rekunyese iha sirkulasaun osan ne;e
=>. osan tengkiser iha base legal
=>. osan tengki fasil atu muda no fasil atu lori
=>. osan tengki hetan rekunyesementu husi rai seluk
=> osan tengki representa valor,ekonomia,kultura no historiku sosias
no seluk sei barak liu tan karik ita lee iha livru akedemiku ekonomia monetariu no ekonomia makro nia espelikasaun.
Hahu husi fulan Maio 2002 pais Timor Leste rekunyese no adopta moeda Dollar Amerikanu nudar osan offisial iha nasaun ne;e. Ida ne lori sinal ba nasaun seluk katak Timor leste iha potensia boot iha rekursu rai laran, rajaun ne maske la forte maibe bele dehan katak ne sinal ba nasaun seluk katak valor troka osan nian iha timor boot liu ho nasaun seluk. Depois uja dolar Amerika iha ita nia nasaun implikasoins barak maka mosu tuir mai maske ema barak la sinti husi implikasoens sira ne’e. Faktores positifu maka husi impliksaun uja osan dolar amerikanu maka kestaun dolar amerika osan nebe nia likuidade ass tebes signifika katak US dolar fasil atu troka no lori ba mai iha nasaun nebe-nebe deit, seluk tan husi ne maka timor Leste sai merkadu diak ba produtu importasaun husi rai seluk tamba ita sosa uja US Dollar nebe sai dominan wainhira nasaun sira uja hodi rai nudar reserva nasaun nian no sikun seluk osan dolar amerika uja nudar transaksi entre nasaun no ida seluk maka ho US dolar maka mayoria nasaun sira selu sira nia tusan ba nasaun seluk.
Tuir mai tenta hare husi sikun negatifu husi adoptasaun osan US dollar nudar moeda official ne’e. Iha Rai laran susar atu hamoris industria lokal tamba kostu operasioanl sei makaas wanhira halo produtu. Osan dollar nasaun seluk nian tamba ne susar atu kontrola ninian funan iha merkadu bankaria, ho lian seluk Bankaria rai laran laiha independente iha kestaun halo desijaun monetariu nian, relasiona ho buat sira ne’e maka susar ba timor leste atu redus kiak iha rai laran tamba ita nia nasaun seidauk bele halo produsaun nebe boot no laiha independente ba banku sentral timor nian atu halo desijaun kona ba sirkulasaun osan iha rai laran.
Maske iha hakerek ne’e hanesan hanoin badak ida nebe laiha base legal no peskija ruma maibe realidade hatudu momos mai ita katak ohin loron timor leste sai hanesan fatin transit osan nian nebe semo sai laiha kontrola, lalika dook ohin loron ba deit loja sahabat Timor no bengkel Sister motor iha neba loron ida sira bele halo transaksaun tranfere osan sai husi timor bele to’o rihun atus no miliaun, at liu maka laiha regulamentu ida maka klaru atu kondena asaun hanesan neba. Se maka sala iha problema hanesan ne’e? Estadu, parlementu,polisia, ka sese tan? Komik duni Timor leste hanesan rai ida nain laiha buat nebe maka tama timor semo sai fasil tuir sira nia vontade.
Enkoraja nafatin estadu Timor atu tau matan ba odamatan boot tama sai osan no sasan iha nasaun ida ne;e. Persija kria tim independente ida nebe ninian servisu maka oinsa Timor leste bele iha posibilidade kria osan rasik nebe karik bele fo vantajen boot rai laran ninian dezemvolvimentu ekonomia, diskusaun ilegal barak iha base kiik ate to’o nivel ass barak maka hatete katak diak liu Timor leste uja US dollar tamba fasil halo transaksaun maibe karik ita kompara ho exportasaun ho importasaun iha ita nia rai hatudu katak neraca transaksi sempre defisit sinal ba ulun boot sira atu kria mekanismu iha rai laran oinsa para bele redus importasaun no hasae produsaun rai laran. Rajaun klasiku nebe sempre mosu katak ita iha osan rasik oinsa ho ita nia osan nia valor iha merkadu internsional, preokupasaun ne hatudu momos dehan ita lakoi kria kondisaun ekonomia rai laran ita so gosta deit maka sosa sasan importasaun tamba ne maka ita tauk ita nia osan atu laiha valor iha troka merkadu financeiru internasional nian. Tamba sa maka ema la husu saida maka seimosu ba produsaun no abilidade ba sosa iha rai laran karik Timor leste iha ninian osan rasik?
