Senin, 15 Februari 2010

NARAN NUNDAR IDENTIDADE KULTURAL

Hosi naran maka permeiru ema kunyese identidade humanu ida nian, kadaves ita rona ema dehan “ apalah arti sebuah nama” lain badak Indonesia neba simplesmente dehan naran ladun iha valor. Perokupasaun sai kontrariu kwandu naran sai ona Identidade nebe hatudu valor nebe iha husi naran refere. Konkorda ka la konkorda realidade komesa husi tempu okupasaun kolonial Porguesa, Japaun no Indonesia halo ona asimilisaun kultura ba kultura moris Timor nian. Furak tebes kundu hau fihir no koko halo refleksaun tamba sa maka naran Timor hanesan ema Portuguesa sira nian ou ikus mai iha ona naran nebe foti husi Indonesia mais laiha ema ida mak naran halo tuir Japaun maske siramos uluk halo kolonial iha rai nee. Atu hetan resposta klaru konaba ida nee hau fiar so liu husi ejame siensiatiku maka bele fo resposta kalaru maibe iha biban ne atu hakerek deit tamba sa maka Ema Timor Nia Naran Barak Maka Hanesan ema Malae nian?

Situasaun riil indika iha Timor Leste ema nia naran barak hetan influensa husi misaun katekismu Igreja Santu Khatoliku nian nebe antes bebe ida ka ema foun ida atu tama relegiaun refere rekerementu ida mak tengki prense katak persija hila naran santo sira nebe Nudar simblu Lori lia Los. Naran sira maka hanesan Jose, Maria, Agusto, Ines, Madalena, Miguel, No sira seluk tan nebe kuaje ema hotu uja ona iha rai Timor Tamba mayoria moris esperitual nudar Sarani Khatoliku.

Refere husi rajaun neba maka naran orginal Povu Timor neneik maibe tebes sai daduk mohu ona naran sira ne mak hanesan Maubere, Maubuci, Buibere, Buimeta, LeloBere, Malibere,Maulaka, Bereasa,Ilimau, Ilisama no sira seluk tan nebe temi sei lahatu. Nudar ema Timor Leste Nia oan persija buka tuir ita nia identidade. Perokupasaun hau nia ka maluk sira seluk nebe karik hanoin hanesan ho hau mak ne tamba sa maka Ita Timor Lae ona uja naran Orginal ita nian rasik duke gosta uja maka ema rai seluk nia naran depois ita kopia no prense iha ita nia moris. Kuandu ita hare no fihir klean ituan buat sira nee akontese tamba rasa Timor fasil atu simu no asimilasaun ho kultura seluk nebe tama iha ita nia moris. loron ohin naran orginal Timor nian la hetan fatin no pior liu atu sai fali hanesan naran segundu klase iha klase naran karik ema halo opsaun.

Exemplu konkretu nebe Timor oan tegki halo tuir maka hanesan povu nasaun Japaun maske sira moris iha era modernu maibe sira nia naran nudar identidade buras nafatin iha neba ema la gosta uja naran seluk sira gosta uja sira nia rasik alemde nee nasaun seluk mos ita bele hatene kaundu rona sira nia naran deit maka Hanesan Rusia, China, Alemania no nasauk barak seluk nebe liu husi naran deit ema bele hatene ona sira nia naran. Oinsa iha ita nia rai labele adopta hahalok hanesan nebe uja rasik ita nia identidade narak para liu husi naran ema bele ona kunyese ita katak Ita mai husu Nasaun ida naran Timor Leste.

Susar duni atu muda mentalidade ema ita nian karik haruka atu uja naran arginal viss avon sira nian maibe laihamos valor menus kundu naran sira refere komesa haburas fali ona komesa ogara.

Nudar sidadaun Timor Leste nebe dehan nasionalismu no patriota tamba sa mak ita lakoi fo hanoin ba malu atu hadomi kultura liu husi haburas identidade laos copy bebeik rai seluk nia hanoin nia naran nia lei nia sistema mais ita nian nasik nebe iha ita lakoi uja no hadia para atu nune ema rai seluk bele hatene.

Solusaun klaran atu haburas nafatin asimilasaun cultura mai husi naran maka persija iha kaben kultura entre naran orginal ho naran nebe importa husi rai liur exemplu simples maka uja naran Francisco Bereasa, Maria Buitai no bele haburas ho naran sira seluk tan.
Nudar Timor oan lalika moe uja ita nia Identidade naran rasik nebe ita nia Viss avon sira uja hodi hatudu ba mundu katak ita imor iha naran rasik laos Importa deit cultura naran husi rai seluk.